برنامج جديد للمحادثة بين الايفون والبلاك بيري والاندرويد

السلام عليكم

كالعاده .. وضع البلاك بيري يمكن الحين مثل وضع الايفون بتطبيقات التواصل .. او الماسنجر ..

كل شوي طالعن لنا شي جديد ..

اليوم موضوعنا عن برنامج اسمع .. LiveProfile

شرح لعملية التسجيل :

1- الايميل .
2- الباسوورد .
3 صورتك .
4- النك نيم .. أو الاسم المستعار لك.
5- إسمك الأول .
6- اسمك الأخير.
7- رقم جوالك < لاتعبونه مب مهم للتسجيل .

اذا ضغطتو على نكست .. تبي تجيكم نافذة انهم وده يشوف من الي عندك من دفتر الهاتف عنده هالبرنامج .. انا افضل تضغطون لا

تبي تفتح لكم أول شي نافذة المسن الرئيسية ..

طيب هالبرنامج له بن خاص (مكون من أرقام وحروف) < ماتقدرون تغيرونه ..
تلقون الكود حقكم اذا رحتو فوق يمين بالزاوية الايقونة الي على شكل ملف او دفتر هاتف وعناوين..

اضغطو عليها ( هذي نافذة الضبط للمسن )

من اليسار لليمين ..

*تعديل ملفك الشخصي ..
*تحديث الحالة ( تقدر تخليه يشبك مع الفيسبوك عندك او التويتر .. ويسوي تزامن مع حسابك هناك وبرضو يعرض تحديثك كل ماحدثتك حالتك ).
*إضافة شخص .. وهو أول خيار بالبحث عن الكود الخاص بالطرف الثاني والي تبي تضيفه.
*Settings او الضبط .. هنا اذا ضغطت عليه تلقى فوووووق الكود حقك .. تقدر تنسخه وترسله لأصحابك الي عندهم نفس البرنامج .

اللي لاحظته بعد التجربه .. بين ايفون وبلاك بيري ..

المميزات :
1- يشتغل طبعا على الوايرليس وشبكة الجوال العاديه << احسها ميزة جميلة جدا بخلاف أغلب برامج المسن الي نعرفها.
2- تاصلك المسجات حتى لو انت مقفل البرنامج < برضو بعض البرامج الي قبله كانت اذا قفلت البرنامج ماتستقبل شي لمين ترجع تفتحه .
3- سريع !! .
4- فيه سمايلات .
5-له تنبيه بالصوت .. وصراحة الصوت رايق .. كأنه بالونة تنفقع .
6- شكل المسجات وهي تنرسل .. تجيك على بالونات ملونه بألوان رايقع .. مثل ماشفنا ببنق ماسنجر او بالبي ماسنجر.

الحاجات الي ماعجبتني !
1- النك نيم ماتقدر تكتبه الا انجليزي بس.
2- ماتقدر تنقل ملفات صوت فيديو صور < لكن اذا ارسل لك احد من الايفون صوره او ملف تستقبله عادي وتقدر تضغط على الصورة نفسها للحفظ عندك على جوالك .

على ماعتقد .. هذا الي عندي للحين .. واذا فيه شي راح تلقونه بالردود ..

سبب شرحي لطريقة التسجيل لاني اشوف ناس كثيرة يعيقها التسجيل ..
نجي للرابط التحميل .. طبعا كالعادة .. الرابط مثل ماهو افتحوه على متصفح البي بي .. (علامة الاستفهام مع الرابط لاتحسبونه خطأ ولا شي !)
http://www.liveprofile.com/get?blackberry [code]

» : صور الوان بلاك بيري
» خلفيات بلاك بيري
» موضوع عن بلاك بيري
» برودكاسات بلاك بيري من تجميعــي ..
» حالات بلاك بيري مزخرفة